السلااااااااااااااام عليكم ورحمة الله وبركاته،
شيز كيك الكرز
المقادير:
الطبقة الأولى: بسكوت داجيستيف (استخدمت ثلاثة أرباع العلبة) + زبده بالكمية اللي حاطتها في الصورة
الطبقة الثانية: 2 دريم ويب + 2 قيمر + كلاص كامل ماي حار نذوب فيه علبة جيلي أناناس + 12 حبة جبن كيري
الطبقة الثالثة: على حسب رغبتج، آنا خذيت الكرز وتحصلونه في جواد، رويان، الجزيرة ويمكن بعد أماكن ثانية،
الطريقة:
أول شي إخذي البسكوت وفرمي باليد عدل أو بالمكينة، بس تأكدي إن مافي كتل، وبعدين سيحي الزبده (بالمايكرويف 10 ثواني) وخليه مع البسكوت وبعدين خلطيه زين ما زين باليد طبعا،
وبعدين إخذي القالب الخاص بالتشيز كيك ودهنيه بإشوي زبد علشان ما تلصق الأطراف وخلي البسكوت في القاعة وبعدين إضطغي عليه باليد علشان تتساوى الأطراف وخليه القالب بالفريزر <<< خذيت قالب على قلب علشان يكون أحلى
بعدين في خلاط العصير، ضيفي القيمر + الجبن + الدريب ويب + الجيلي المذاب في الماي الحار، وترى زيدت بعد ربع كاس ماي، حسيته يحتاج،
وبعدين خليها عشر دقايق وطلعي القالب من الفريزر وصبي الخلطة فوقها (صارت لي الخلطة صفرة لأن هالنوع من الجلي واجد أصفر، أفضل جيلي ماركة رويال على أناناس، مب هلون اصفر)، بس كان الطعم رهيب،
خليها هالطبقة لين ما تجمد زين ما زين في الفريزر، تقريبا ثلاث إلى أربع ساعات،
وبعدين فتحي العلبة تبع الطبقة الأخيرة،
وصبيها بالعدال في القالب فوق الطبقة الثانية، وعدليها بالكمشه
وبعدين خليها في الفريزر يمكن ساعة بس، وطلعيها بعدين وإفتحي الجوانب، وردي خليها بالفريرز، حزة التقديم طلعيها قبل بعشر دقايق، وتقدرين ترى بعدين تخلينها بالثلاجة،
وهذه صورتها:
وهذه القطعة لكم
أتمنى من كل قلبي إنكم تجربونها لأنها سهلة واجد ولذيذة،
عجييييييييييييبة
التوووت
موضوع: حلى <شيز كيك بالكرز> 
الأربعاء ديسمبر 10, 2008 11:57 am
